ការញ៉ាំអាហារឲ្យបានត្រឹមត្រូវក្នុងពេលមានផ្ទៃពោះ
របបអាហាររបស់ខ្ញុំ
ញ៉ាំអាហារល្អៗ និងមានតុល្យភាព មិនចាំបាច់ញ៉ាំទ្វេដងទេ ដែលមានលក្ខណៈចម្រុះ ហើយមិនមានរសជាតិដិតខ្លាំង។ កូនរបស់អ្នកនឹងទាញសារធាតុចិញ្ចឹមពីរាងកាយរបស់អ្នកពេញ ៩ ខែ នៃការលូតលាស់ ការទទួលទានអាហាររបស់អ្នកត្រូវតែគ្រប់គ្រាន់ដើម្បីបំពេញតម្រូវការទារក ហើយដើម្បីត្រៀមរាងកាយរបស់អ្នកសម្រាប់ការបំបៅដោះកូន។
ញ៉ាំអាហារចម្រុះច្រើនមុខ
ត្រីមាសទី១: ជ្រើសអាហារចម្រុះ ដើម្បីទទួលបានសារធាតុចិញ្ចឹមគ្រប់គ្រាន់ សម្រាប់កូន៖ ប្រូតេអ៊ីន, ខ្លាញ់, កាបូអ៊ីដ្រាត, វីតាមីន និងសារធាតុរ៉ែ។
ត្រីមាសបន្ទាប់: ចំណង់អាហាររបស់អ្នកនិងកើនឡើង ដើម្បីបំពេញតម្រូវការរបស់កូន។
រាងកាយរបស់អ្នកកំពុងសម្របខ្លួនដើម្បីប្រើប្រាស់សារធាតុចិញ្ចឹមនីមួយៗដែលអ្នកញ៉ាំតាមរបៀបដែលមានប្រសិទ្ធភាពបំផុតតាមដែលអាចធ្វើទៅបាន។
តើវាច្រើនកម្រិតណា?
កម្រិតថាមពលណែនាំ៖ 1,800–2,400 គីឡូកាឡូរី/ថ្ងៃ អាស្រ័យលើសកម្មភាពរាងកាយប្រចាំថ្ងៃ។
ត្រីមាសទី១: បន្ថែម 150 គីឡូកាឡូរី/ថ្ងៃ
ត្រីមាសទី២ និងទី៣: បន្ថែម 250 គីឡូកាឡូរី/ថ្ងៃ (អាហារសម្រន់បន្ថែម)
ការកើននេះរួមបញ្ជូលទាំងទារក និងរាងកាយរបស់អ្នកផងដែរ៖ ការផ្ទុកជាតិខ្លាញ់ ទំហំសុដន់ដែលរីកធំ ស្បូនដែលរីកធំ លំហូរឈាមដែលកើនឡើង និងទឹកភ្លោះ។
គួរជាសវាង ៖ ជាតិអាល់កុល ទោះបីក្នុងបរិមាណតិចតួចក៏ដោយ ដើម្បីជៀសវាងហានិភ័យនៃពិការភាពរបស់ទារក ការពន្យារការលូតលាស់ និងការកើតមិនគ្រប់ខែ។
គំនិតអាហារសម្រន់សម្រាប់កូន
- នំប៉័ង (ប្រហែល ៣៥ ក្រាម) និងឈីស ១ដុំ (ប្រហែល ៣០–៤០ ក្រាម)
- យ៉ាអួ ឬឈីសទន់ + ផ្លែឈើ 1 ផ្លែ
- ទឹកដោះគោ ១កែវ នំប៉័ង (ប្រហែល ៥០ ក្រាម) ជាមួយប័រ (១០ ក្រាម)
កុំភ្លេចផឹកទឹកឲ្យបានគ្រប់គ្រាន់ពេញមួយថ្ងៃ។
គុណភាពអាហារសំខាន់ៗក្នុងអំឡុងពេលមានផ្ទៃពោះ។
ប្រាកដថារបបរបស់អ្នកសំបូរទៅដោយជាតិ ដែក,អាស៊ីតហ្វូឡេត, អ៊ីយ៉ូត, កាល់ស្យូម និងវីតាមីន D។
ជាតិហ្វូឡេត / វីតាមីន B9
សារធាតុទាំងនេះចាំបាច់សម្រាប់ការកកើតប្រព័ន្ធប្រសាទរបស់កូនអ្នក។ សារធាតុចិញ្ចឹមទាំងនេះអាចរកបាននៅក្នុងបន្លែផ្លែឈើ ជាពិសេសបន្លែបៃតងដូចជា ស្ពៃខ្មៅ ប្រូខូលី និងសាឡាត់
ប្រភពផ្សេងៗ៖ ប្រេងអូលីវ, គ្រាប់សណ្តែក។ ប្រសិនបើអ្នកមិនអាចសម្របខ្លួនជាមួយអាហារ, សូមទៅពិចារណាបន្ថែមតាមដំបូន្មានរបស់គ្រូពេទ្យ។
គួរឱ្យដឹង៖ ផ្លែឈើ និងបន្លែកក/កំប៉ុង មានហ្វូឡេតដូចបន្លែស្រស់ដែរ។ ណែនាំឱ្យញ៉ាំយ៉ាងហោចណាស់ 5 មុខ/ថ្ងៃ។
គ្រប់គ្រងទម្ងន់
ដំបូន្មានរបស់គ្រូពេទ្យជួយកែតម្រូវការទទួលអាហាររបស់អ្នក។
ការឡើងទម្ងន់ធម្មតា ~12 គីឡូក្រាម, ភ្លោះ +3–4 គីឡូក្រាម។
ទម្ងន់របស់អ្នកអាចនិងមិនឡើងក្នុង 3 ខែដំបូង
ការឡើងទម្ងន់ដែលមិនទៀងទាត់
ក្នុងរយៈពេល 3 ខែដំបូងនៃការមានផ្ទៃពោះ អ្នកប្រហែលជាមិនឡើងទម្ងន់ទាល់តែសោះ។ ស្ត្រីដែលដែលចាញ់កូនខ្លាំងអាចស្រកពីរមួយ ឬពីរគីឡូក្នុងត្រីមាសទីមួយ។ បន្ទាប់ពីនោះ ការឡើងទម្ងន់របស់អ្នកនឹងកើនឡើងរហូតដល់ការសម្រាលរបស់អ្នកខិតជិតមកដល់។
ចំណង់អាហារ
ចំណង់អាហារគឺជារឿងធម្មតា៖ ពួកគេមានទំនោរកំណត់គោលដៅអាហារ និងរសជាតិជាក់លាក់ដែលពួកគេចូលចិត្ត ឧទាហរណ៍ នំ ឬសូកូឡា។
75% នៃស្ត្រីនឹងជួបប្រទះនៅពេលណាមួយនៃការមានផ្ទៃពោះរបស់ពួកគេ។ ពេលខ្លះពួកគេអាចមានសញ្ញាដូចជាភាពអស់កម្លាំងជាដើម។ ការចង់ញ៉ាំអារហារគឺកាន់តែញឹកញាប់ ភាគច្រើននៅត្រីមាសទី 2 ។
ការមិនបំពេញតាមចំណង់ការញាំរបស់អ្នកគឺមិនប៉ះពាល់ទារកនោះទេ។
គ្រប់គ្រងចំណង់៖
- កំណត់បរិមាណសមរម្យ
- ប្តូរមកជាញុាំផ្លែឈើ, នំប៉័ង ឬផលិតផលទឹកដោះផ្សេងៗ
នៅតែមានអារម្មណ៍ឃ្លាន?
ភាពឃ្លានកើតមានជាញឹកញាប់ក្នុងការមានផ្ទៃពោះដំបូង។ កុំញ៉ាំច្រើនដងពេក ប៉ុន្តែអ្នកគួរតែធ្វើការផ្លាស់ប្តូររបបអាហាររបស់អ្នកល្អរជាង។
ញ៉ាំអាហារផ្លូវការ + រៀបចំអាហារសម្រន់ពេលក្រោយ។
ការប្រុងប្រយ័ត្ន
ប្រុងប្រយ័ត្នចំពោះ៖
- ផលិតផលទឹកដោះគោដែលផលិតចេញពីទឹកដោះគោឆៅ (ឈីសទឹកដោះគោឆៅ ទឹកដោះគោដែលមិនទាន់បានសម្លាប់មេរោគ។ល។) ព្រោះវាអាចផ្ទុកមេរោគ Listeria។ អាហារទាំងនេះមានហានិភ័យខ្ពស់នៃការរលូតកូន ប្រសិនបើពួកវាត្រូវបានចម្លងមេរោគ។
- អាហារសមុទ្រឆៅ សាច់ឆៅ ឬសាច់ដែលចម្អិនមិនស៊ុបល្អ (សាច់គោអាំង សាច់គោឆៅ ត្រី ឬស៊ុត) ដើម្បីកម្ចាត់ហានិភ័យនៃជំងឺ Toxoplasmosis ជាពិសេសប្រសិនបើអ្នកមិនមានភាពស៊ាំដោយធម្មជាតិចំពោះជំងឺនេះ។
- អាហារ និងអាហារបំប៉នដែលមានសារធាតុផ្សំពីសណ្តែកសៀង។ សារធាតុ Phytoestrogens (អ័រម៉ូន) អាចមានផលប៉ះពាល់អវិជ្ជមានដល់អ្នក និងកូនរបស់អ្នក។
- ស្រា ទោះបរិមាណតិចក៏ហានិភ័យ
កាត់បន្ថយ៖
- កាហ្វេ, តែ, ភេសជ្ជៈប៉ូវកម្លាំង, សូដា (មានកាហ្វេអ៊ីន)
- អំបិល និងអាហារប្រៃ
វិធីសាស្រ្តត្រឹមត្រូវ
- លាងដៃ មុនចាប់កាន់អាហារ
- ចម្អិនអារហារឱ្យបានឆ្អិនល្អ
- សំអាតទូទឹកកកជាទៀងទាត់
- ត្រាំអាហារក្នុងទូរទឹកកក បន្ទាប់មកញ៉ាំវាក្នុងរយៈពេល 24 ទៅ 48 ម៉ោង។
- កុំហូបអារហារដែលនៅសល់ ដើម្បីជៀសវាងហានិភ័យនៃការចម្លងរោគ
- ចម្អិនគ្រឿងផ្សំស្រស់ៗ និងអាហារឱ្យបានហ្មត់ចត់ ដែលអ្នកធ្វើការកំដៅឡើងវិញ ដើម្បីកម្ចាត់បាក់តេរីណាមួយ។
វាជារឿងសំខាន់សម្រាប់អ្នកក្នុងការមានសុខភាពល្អ និងរក្សាសុខភាពល្អពេញមួយពេលដែលអ្នកមានផ្ទៃពោះ។ គ្រូពេទ្យ ឬឆ្មបដែលកំពុងតាមដានសុខភាពរបស់អ្នក នឹងធានាថាការមានផ្ទៃពោះរបស់អ្នកដំណើរការទៅយ៉ាងល្អប្រសើរ ហើយនឹងឆ្លើយរាល់សំណួរ និងកង្វល់របស់អ្នកនៅរៀងរាល់ខែ។ កុំស្ទាក់ស្ទើរក្នុងការសុំយោបល់ពីពួកគាត់!
រូបមន្តម្ហូបឆ្ងាញ់
France Lait បានជ្រើសរើសរូបមន្តម្ហូបឆ្ងាញ់ និងមានតុល្យភាព ដើម្បីជួយអ្នកក្នុងអំឡុងពេលមានផ្ទៃពោះ និងបន្តទៀតក្នុងការថែទាំទារក។ ក៏មានរូបមន្តអាហារតូចៗសម្រាប់កូនដែលងាយស្រួលចម្អិន និងមានសារធាតុចិញ្ចឹមគ្រប់គ្រាន់ផងដែរ។
